هل تم الغاء شراء المدد في التأمينات الاجتماعية ؟؟

 شراء المدد التأمينية 😨

شراء المدد تم الغائه بعد صدور قانون التأمينات الاجتماعية رقم 148 لسنة 2019 ! 😨 هل حضرتك من المؤمنين بهذه المقولة ؟؟ 🤔 ويا سنة سوخة يا ولاد لو كنت ممن يرددوها 😡 لان الحقيقة ان شراء المدد لم يتم الغائه نهائيا لا قديما ولا حديثا 😱 اي والله زي ما بقولك كده ودليلي على ده هو قانون التأمينات الاجتماعية رقم 148 لسنة 2019 ذاته واللي جيه في مدته رقم 20 "يجوز للمؤمن عليه أن يطلب حساب مدة ضمن مدة اشتراكه في تأمين الشيخوخة والعجز والوفاة" وطبعا حاجة زي كده لازم تكون بشروط 👌 وبرده الشروط تم النص عليها في ذات المادة (مادة 20) بس انت ارمي عينك على تكملتها فهتلاقي مكتوب 1- أن تكون المدة تالية لسن بداية الخضوع لأحكام هذا القانون. 2- أن تكون سنوات كاملة. 3- أن تكون سابقة على مدة الاشتراك الأخيرة وغير خاضعة لنظام التأمين الاجتماعي. ولو هنشرح كل شرط على الترتيب 🫴 فالاول يعني ان تكون هذه المدة المطلوب حسابها (شرائها) لاحقه على سن 18 (للعاملين لدى الغير) و سن 21 (لاصحاب الاعمال) وبالتالي مينفعش تطلب حساب مدة يكون عمرك فيها 16 او 15 لان ده سن انت اصلا مش خاضع لنظام تأمينات الشيخوخة و العجز و الوفاة ام الشرط الثاني فزي ما حضرتك شايف (ركز معايا) معناه سهل وبسيط وهو ان تكون عايز تشتري سنين كوامل مش بالقطعة ولا بالشهر والشرط الاخير بقى وده سبحان الله منطقي جدا وهو انها تكون مدة مكنش متأمن عليك فيها من الاساس طبعا انا متوقع انك بتسأل نفسك دلوقتي امال هما بيقولوا شراء مدد التأمينات اتلغى ليه 😕 انا اقولك ده لثلاث اسباب الاول ان اللي بيقول كده بيفتي 👎 الثاني هي التكلفة العالية للشراء الثالث هي الاستفادة القليلة للشراء (مقارنة بالاستفادة من الشراء في ظل قانون 79 لسنة 1975) والثانية و الثالثة دي على وجه التحديد هنشرحها في منشورات جاية ان شاء الله لو حد كان مهتم يعني😔

#ِAmrAwwad #عمرو_عواد #تأمينات_اجتماعية #شئون_عاملين