إعلان رمضانى

موسيقى  هادئة تصاحبها صورة خافته تبداء فى الوضوح .
عائلة مكونة من اب وام وولد وبنت صغيرة مجتمعين فى ساعة الافطار حول الطبليه واعينهم مسلطة على شاشة التلفزيون.
يقوم الجميع و هم فى قمة الحزن وينفخوا بعزم ما لديهم من نفس وما تقوى عليه رئتهم
الاب : اوفففففففففف , ايه الملل ده التلفزيون فى رمضان السنة دى اى كلام 
الام متحدثة الى التلفزيون : يا مدهول على عينك هتبقى انت والبعيد بعلى ارخم من بعض .. مفيش مسلسلات حصرى ؟
الاطفال : عايزين كرومبوا , عايزين حمبوزو

فجاءة

ظهور مزه فاتنه تتحدث فتهتز جميع اجزاء جسمها بلا استثناء وتتحول الموسيقى الهادئة الى موسيقى روك صاخبة
المزه: عندكم حق مهو انتم فى رمضان لازم تتابعوا القناه الصح , تابعونا على قناة حزمنى رقصنى 
تلتقط الرموت من ايدى الاب وهو ينظر لها فى ذهول وعيناه تكاد تقتلع من مكانها ولسانة يخرج من فمه مثل الـكلب الـ لولو.
تقلب المزه فى التلفزيون الى ان تصل الى قناه حزمنى رقصنى 
زوم اين على شاشة التلفزيون ويبداء عرض بروموهات البرامج والمسلسلات

الاعلان الاول 

عايز تشوف كل المغنين اللى بتحبهم ؟ عايز تشوف كل الممثلات الجامدين اللى بتدفع 20 جنيه عشان تشوفهم فى السيما ؟
تابعنا فى رمضان مع برنامجكم المفضل يا ممسخرنى 
حصريا فى رمضان 

الاعلان الثانى 

صايم  , وعايز تسلى صيامك , مش طايق نفسك من الحر , محتاج حاجة ترطب على قلبك ؟ لازم تشوف معانا احدث المسلسلات الحصرية لـ مهيجة الجماهير ومسلسلها الجديد ( الملكة نونو)
حصريا فى رمضان 

الاعلان الثالث

السحور مش مبلوع والفول بيزود الجوع تابع معانا برنامج المقالب المستفز جدا واللى بقى مضروب  (حيلهم اتهد )
حصريا فى رمضان 
زوم اوت مرة اخرى على المزه الفاتنه والعائلة 
جميع افراد الاسرة بيبوسوا فى المزه وخصوصا الاب 
ينظر الجميع الى الكاميرا رافعين ايديهم مع الاشارة باصبع الابهام : قناة حزمنى رقصنى قناة الاسرة المصرية فى رمضان