كل لبيب بالاشارة يفهم

http://www.metropark.com/main/images/corporate/green-question-mark.jpg
 (1)
وانا اشاهد اعلان شريط تامر حسنى الجديد جانى هاتف من سماء التلفزيون يقول : لو بتحب نجمك بجد اشترى الشريط الاصلى لذللك ادعوكم وانصحكم واهيب بكم ان تستعيدوا كل الجنيهات التى دفعتوها الى مستشفى سرطان الاطفال ودور المسنين وجمعيات اطعام المساكين بعد حملة اتبرع ولو بجنية والتبرع بها لصالح شريط تامر حسنى الماستر واحذركم الشريط المضروب فية سم قاتل 


(2)
تخصصت وزارة المالية المصرية رحمها الله واراحنا منها فى بيع اراضى مصر ومبانيها ومصانعها ومشاريعها و ... و .... متعدش حضرتك لذلك نعمل الان على تسميتها وزارة عواد ويبقى عواد باع مصر يا ولاد ( وكُلِّ لَبَيْبٍ بِالاشَارَةً يُفْهَمُ) 



(3)
بعد تغير شعار الشرطة من ,
الشرطة فى خدمة الشعب الى  الشرطة والشعب فى خدمة الوطن 
اجب عن الاتى 
*ما المقصود بالوطن فى العبارة السابقة ؟
- العبد الحقير لله اللى بيكتب 
-سعادة حضرتك اللى بتقرا اللى كتبة العبد الحقير لله 
- اللهو الخفى 
*اخرج من الجملة السابقة مفعول بة مضروب بالجزمة على ان يكون اوله  الف ولام واخرة باء 

 (4)
بعد احالة قتلت خالد سعيد الى الجنائية بتهمة استعمال القسوة والقبض بدون وجه حق والتعذيب البدنى من فضلك نعكش معايا على صفحة ضرب افضى الى موت شكلها اتقطعت من كتاب القانون الجنائى 
وان لقتها قلهم يلغوها  من المقرر اللى بدرسة  لو مش هيستعملوها ويوزعوا درجات  السؤال بتعها اللى جالى فى الامتحان على روح الشهيد خالد سعيد واجيب انا امتياز وهو يخش الجنة


(5)
تفتكر دليدا انتحرت لية.. باقراص مهدئة وسابت ورقة مكتوب عليها سامحونى الحياه لم تعد تحتمل  بعد ما غنت حلوة يا بلدى ؟

تعليقات

  1. 1- أؤيدك بشدة لازم ندفع الفلوس لتامر حسني ملك الجيل و ألا هو مش هيقدر يتحفنا بفنه و لا يقدر يعتني بشعر صدره !!!

    2-دول بيستثمروا للشعب ...

    3- الاجابة ... الـ(كلـ)ب (: (: (: (:

    4- الله يرحمه و يرجع حقه ...ابقي شوف الشهيد التاني http://www.alnadeem.org/ar/node/299

    5- شعور بالذنب !!!

    ردحذف
  2. سكندرى اجابات صحيح
    وعشان انت فى مصر تاخد عليها
    سالب عشرة من عشرة
    وممكن تحسن مجموعة وتدفع جنية وربع دمغات وتلتاشر الف جنية اكرميات وشاى ونخليك تدخل بمجموعك كلية طب

    -----------

    حزنتنى والله بالخبر اللى جبته بس هقول اية ربنا يباركلك وياخدهم

    ردحذف
  3. 1 هم يضحك و هم يبكي
    3 الشعب هههههههههههه
    4 اسفه مافهمت :(

    مدونه جميله
    دمت بخير اخي ^^

    ردحذف
  4. اهلا بيكى وشكرا على الاطراء الجميل على مدونتى
    اما بخصوص -4
    فلازم تكون عارفة الاول ان فى شاب مصرى اسمة خالد سعيد توفى من شدة التعذيب
    ولان التهمه الموجه لقاتلية لان تكون عقوبتها اكثر من ثلاث سنوات فان اتسال عن التهمه الواجبة التوجية وهى الضرب المفضى الى موت فعقوبتاه الاشغال الشاقة او السجن يعنى تقريبا 15 سنة
    ده على اقل تقيدر دول لازم يتوجه لهم تهمة القتل العمد

    ردحذف

إرسال تعليق

المشاركات الشائعة من هذه المدونة

[1] اسئلة مقابلات العمل لوظائف الموارد البشرية وشئون العاملين Interview Questions for HR and Personnel job

اكواد المهن في التأمينات الاجتماعية

[2] اسئلة مقابلات العمل لوظائف الموارد البشرية وشئون العاملين Interview Questions for HR and Personnel job