تاريخ المستريحين من البداية حتى هوج بول (لماذا كل نصاب مستريح)
القصة بدات لما في أغسطس 2022 ظهرت من العدم شركة بتدعي انها متخصصة في تأجير اجهزة تعدين العملات الرقمية
ووصل بيها الحال انها عملت عملة رقمية خاصة بيها وسمتها هوج
يلا ما هي بقت هيصة
واللي مش فاهم ايه قصة أجهزة تعدين العملات الرقمية
فإيجاز مخل
العملات الرقمية زي البيتكوين
عشان تحصل عليها لازم تستخدم جهاز كمبيوتر قوي جدا وبمواصفات جبارة عشان يحل معادلات رياضية وفي مقابلها تحصل على العملات الرقمية
ولا الاجهزة دي بمواصفات غير اعتيادية من معالج لكارت شاشة لرامات ده غير استهلكها للطاقة
واللي في بعض البلاد اللي أسعار الطاقة الكهربائية مرتفعة نسبيا
الموضوع كل بيكون جاي بخسار على هواة التعدين
وعشان كل ده فمش أي حد يقدر يشتري الأجهزة دي ويشغلها
كل ده طبعا مع التأكيد على ان الموضوع كله ممنوع في مصر بأمر البنك المركزي
المهم تيجي هوج بول وتقنع الناس انها عندها القدر على تأجير أجهزة زي دي وتشتغل بشكل سحابي بدون ما تكون مملوكة ليك
وانت تأخد ارباحها واللي بتوصل ل 10% من راس المال شهريا
(انت متخيل يا مان)
وكل ما تاجر جهاز اقوى
يكون ربحك اعلى
والساعة بخمسة جنيه والحسابة بتحسب
وبعد في خلال 5 شهور هي عمر الشركة
ومع إعلانات ممولة على مواقع التواصل الاجتماعي
ومفيش مانع من شغل كلاسيكي من بتاع زمان اللي هو تشترك معانا وتجيب ناس تحتك فتقبض اكثر
الشركة في خلال وقت قليل قدرت تجمع عدد كبير من العملاء ومبالغ كبيرة من الايداعات
صحيح ان التحقيقات لسة سارية وبالتالي مفيش ارقام واضحة عن اعداد الضحايا او المبالغ اللي اتجمعت
ولكن الموضوع شكله كبير
بس الملفت للنظر في الموضوع ده هو نوعية النصب و الفئة المنصوب عليها
فمن ناحية احنا هنا بعدنا عن النصب التقليدي باسم التجارة
وبدانا في عصر جديد من النصب الالكتروني
والاهم بقى هي الفئة
هوج بول كشفت العقلية اللي المفروض انها متعلمة وعندها وعي وعلى علم بالمستجدات زي التعدين والعملات الرقمية و البلوك تشين
واللي بسهولك وقدام النسب العالية من الأرباح اتبخر وعيها ووقت فريسة لمستريح جديد
وزي ما قولنا في بداية الفيديو
طول ما في طماع هنلاقي نصاب
و البقاء للي هيشغل دماغه سواء عشان ينصب او عشان يحمي نفسه من النصب
تعليقات
إرسال تعليق