"لا تلومني على كلامي الذي لم انهيه ولا كتابتي التي لم تنهيها"

ماذا تعني اشارة رابعة

سلخير .. ازيكم ؟ عاملين ايه ؟ كويسين ؟
الاهم سيسيين ولا رابعويين ؟؟
انه السؤال الاهم والاشهر هذه الايام
انت مع السيسي ولا مع مرسي
انت مع الانقلاب ولا مع الشرعية
الحقيقة انك لو سألتني السؤال ده هجاوبك بكلمة واحدة .. حمرا
اقصد يعني اننا كلنا هنشوف العين الحمرا بعد ما البلد مسكها اللي كنا ثورنا عليهم
متنساش ان مبارك كان عسكري والسادات كان عسكري وعبد الناصر كان عسكري ومحمد نجيب كان عسكري (على فكرة في رئيس كان اسمه محمد نجيب ) بس العساكر ضحكوا عليك وخفوا امه من التاريخ
مش مهم .. لان ده مش موضوعنا اصلا
موضوعنا النهاردة عن اشارة رابعة ؟؟









http://t1.gstatic.com/images?q=tbn:ANd9GcQwT63VEeZ1LFNDVnrSQBGlIC-SnpmP7h1eAuR92XO9_AJnEeH3


ايوه هي دي




اكيد حضرتك تعرفها
ولو حضرتك انقلابي لاحس بيادة يبقى انت اكيد شايفها علامة ماسونية اراهابية اسرائيلية امريكية يهودية كولالمبورية تم ضبط عدد من القادة الماسون في العالم وهم متلبسون برفعها

اما لو حضرتك مرساوي خروف يبقى انت شايفها رمز العزة والكرامة رمز الوطنية والشهامة رمز البسبوسة والكنافة

مع احترامي لسعادة جناب حضرتكم انتم الانتين

ولكن السؤال الاهم ماذا تعني هذه العلامة هل هي علامة ماسونية كاتولنية واصبع الابهام بها يشير الى عين حورس (اي والله هما اللي بيقولوا كده ) ام ماذا تعني

تعالى معايا حضرتك في جولة داخل شوارع واحياء مدينة نصر والمناطق المحيطة بعا  لنفهم سويا ماذا تعني هذه العلامة
ومن فضلك متقوليش مال مدينة نصر ومال الموضوع اشتري مني وبعد كده اعمل اللي انت عايزة

في مصر المايكروباصات والاتوبيسات ببتعامل معانا على اننا كائنات رخمة بتعكر عليها  صفو انطلاقها في مرسون اللي يلحق الدور في الموقف يكسب واحد شاي
 وعليه فالاتوبيسات والمايكروباصات مبتحبش تقف لحد وكمان مبتكتبش خط سيرها على مقدمة السيارة
وعليه المصريين اكتشفوا طريقة لا تقل في عبقريتها عن لغة برايل للمكفوفين
وهي الاشارة
كل اشارة بتدل على مكان معين فاذا شاورت لعربية وكانت رايحة المكان وقفت لحضرتك ولو مكنتش رايحة تخبط حضرتك
فمثلا لو انت في ميدان الف مسكن ورايح التجمع الخامس
بترفع كف ايدك كاملا ما فتح الاصابع بشكل ملحوظ
http://photos.azyya.com/store/up1/080617221327HE2U.jpg


ايوه كده


اما لو رايح اول عباس او اول مكرم  مثلا
فهترفع السبابة بشكل عمودي (انظر الرسم التوضيحي صـ 15 ) او الاسهل تشوف الصورة اللي جاية

http://images.farfesh.com/articles_images/1FARFESHPHOTOS/FarfeshFamily/Family/as1.jpg

ايوه كده


اما بقى لو رايح الحي السابع

فبترفع اصبعي السبابة والوسطي بشكل يعطي الرقم (سبعة) باللغة العربية

http://syrianboy.net/club/uploaded/2009-up/18095/1234796247.jpg

صح كده ... ابتديت تتعلم لغة الاشارة المايكروباصية

اما لو رايح الحي العاشر

فهتقوم برفع كف اليد كاملا مع بسط و قبض الاصابع الخمسة بحيث تعطي الناتج (10)


http://i69.servimg.com/u/f69/11/69/40/58/incai10.jpg











حاول تتخيلها عشان لطشوا الصورة


المهم - وعلى نفس المنول و المنطق لو عايز تروح لميدان رابعة العدوية فبترفع اربع اصابع للدلالة على المكان (اللي هي اشارة رابعة)
http://www.shbab2.net/image/1382917764_313.jpg

ايوووووووه زي ما البرنس اللي في الصورة ده بيشاور كده


والاشارة دي موجودة من زمااااااااااااااان وكل الناس اللي بتتحرك في احياء مدينة نصر تعرفها كويس
بس الغريب انك ممكن تلاقي واحد بيعمل العلامة دي لسواقين المايكروباص واخر النهار يقولك دي اشارة ماسوامركصهيونية ومتسألنيش يعني ايه



يعني الاشارة دي مهياش صهيونية ولا يهودية ولا اي هبل من ده
وكون الناس استخدمتها بعد المجزرة اللي حصلت امام مسجد رابعة العدوية وداخله
وكون حضرتك مش فارق معاك دمهم
ده ميدكش الحق انك كمان انك تفتي في اللغة .. الا اللغة المايكروباصية .. دي الشئ الوحيد اللي احنا اخترعناه .. اشطة يا برنس ؟؟؟
سلام....

ممكن يجي واحد رخم بعد ده كله  يقولي مفهمتش منك حاجة
ارد عليه واقوله اتفرج على الفيديو ده يا سخيف عشان تفهم انا اقصد ايه