برقية الوزير


http://janeheller.mlblogs.com/bomb.jpg

الدنيا سقيع والجو فظيع فتحلى على كل المواضيع ..... فاصل اخبارى

تبعا لتعليمات السيد الوزير وحرصا من سيادته على الصالح العام تم تنفيذ عمليات ارهابية على الحد الادنى للأجور , استخدمت فيها التصريحات المفخخة , مبريين ذلك بحماية الكروش من التقزم , وجيوب المواطنين  من التضخم 

وعلى جانب اخر فقد تقدمت باعتراض رسمى شاجبا ومنددا بالعمليات الاخيرة على مرتبى , فقال المدير : الشغل من امامكم  والعمال البنجلاديشيين من خلفكم 

وعلى الفور رفعت مظلمتى من السيد الوزير , للسيد الوزير مرفق معها شهادة فقر وطابع بوسطة وممضية من اتنين مرتشين فى جواب مسجل مصحوب بعلم الوصول 
وكان الرد برقية كـُتب فيها ( نشاطركم الاحزان )

فذهبت للمدير ووضعت امامه برقية الوزير فهب واقفا وضرب لى تعظيم سلام , وقبّـل البرقية وطلب لى واحد ليمون وقرر يصرف لى الحد الادنى للاجور بالاضافة لبدل برقية 1600 جنية و3 اكياس سكر وباكو شاى وعلبة كليوباترا من غير صورة " الاسنان " 


فشعرت ان الظلم رفع عنى وان الحقوق عادت الى اصحابها والاداب رجعت الى ظبطها 
وخرجت من مكتب المدير اشكر  برقية الوزير واغنى لها  " و قابلتك انت لقيتك بتغير كل حياتى
مع الاعتذار للست

تعليقات

  1. الف الف مبروووووك

    هتعزمنا على ايه بقى ؟؟ :D

    ردحذف
  2. ◘ safa7_karmooz ◘
    الله يبارك فيك :D
    بفكر ان شاء الله اوزع العلبة الكوكو اللى منغير سنان

    ردحذف
  3. مش هاكتب تعليق من عندي
    هاجيبه من عندك ع التويتر مع بعض التحريف

    عشان ممعكش واسطة لازم تعاني وتفقد كرامتك بكل المعاني

    مع الاعتذار لاحمد فؤاد نجم :)

    ردحذف
  4. ◘ سمو الامير ◘

    فعلا نحن فى زمن الوسطة .. واديك شفت "برقية" من وزير عملت ايه :D

    ردحذف
  5. اللي له ضهر ما يضربش علي كرشه

    ردحذف
  6. ◘ سكندر ◘

    ايوه والله كلام مظبوط :D

    ردحذف

إرسال تعليق

المشاركات الشائعة من هذه المدونة

[1] اسئلة مقابلات العمل لوظائف الموارد البشرية وشئون العاملين Interview Questions for HR and Personnel job

اكواد المهن في التأمينات الاجتماعية

[2] اسئلة مقابلات العمل لوظائف الموارد البشرية وشئون العاملين Interview Questions for HR and Personnel job