العودة الى الطفولة




من فضلك قبل ما تعدى عتبة الموضوع ده فيه شوية شروط يعنى لازم تكون لابس بيجامة او على الاكثر ترنج :D
تانى حاجة هات شعرك على جنب :D فاكرها ؟
اهم حاجة بقى فى الموضوع انك تنسى كل العنتزة بتاعت ان كبير وراشد وعاقل وسيب على ده على باب التدوينة وتعالى ارجع معايا بالذاكرة كدة شوية وناخد آلة زمن ونرجع لايام الطفولة
وهنبتديها باكثر الحاجات اللى اعتقد اننا كلنا واحنا اطفال اتعلقنا بيها واقصد اطفال التمنينات وبداية التسعينات  
اولا الصوت الحنون اللى كلنا اتربينا عليه ايام الاذاعة " ابلة فضيلة "

ودى مقدمة البرنامج مفتكرش محدش فينا لسة مبترنش فى ودانه :)

اية رايك ؟ .. امال لما تسمع حدوتة بصوت ابلة فضيلة ؟

ادى حدوتة





يا سلااااااااام ايام مش هتعوض والله

طب انا كنت بموت فى الاغيه دى ... اية النظام بالنسبة لك ؟
جدو على :D





لسة ..... !! رايح فين ... فاكر اغنية  ابريق الشاى




ودى كمان اغنية تنعنش الذاكرة كمان وكمان
اغنية فولا فولا .. او كما سمعها كل جيلى - ومش عارف ليه ؟ - بولا بولا ..( vola vola palombella) طيرى طير يا عصفورة




اما الاغنية دى بالذات فهى عزيزة على قلبى .. عشان وانا صغير كنت مقتنع ان انا المقصود ( كان فى واد اسمة الشاطر عمرو )



اغنية عيد ميلاد ابو الفصاد .. اوبريت من المستحيل تكراره



واغنية لصوت انا عن نفسى بعشقة وهى عفاف راضى ( هم المم ) ومش عايز تريقة



ودى الصراحة مش عارف لها اسم .. بس هما مسمينها " ايا ايا اوه "




كوكو واو ... محدش هيفهم حاجة ..






انا الصراحة وانا بسمع الاغانى دى مصدقتش نفسى .. وكمان بصيت على التعلقيات فى اليو تيوب .. كلهم بيقولوا انهم رجعوا بالزمن لورا ... وانا الصراحة كان نفسى ارجع شوية لايام الطفولة ..!! .. انت اية رايك بزمتك مش اجمل ايام ؟

تعليقات

  1. الله يفتح عليك يا غالي ده انت رجعتني بتاع 10 سنين لورا

    والله ايام ماتتعوضش وانا كنت بموت في كل الحاجات دي يااااااااااااه الله يرجعها ايام !!! تسلم ايدك يا باشا والله .

    ردحذف
  2. " EslaM "
    اهلا بيك يا اسلام شرفتنى ...
    هو ده اللى كان نفسى فيه ان اللى يدخل يقول انه رجع 10 سنين لورا

    وفعلا هى ايام متتعوضش .. بس هى دى سنة الحياه ما باليد حيلة :D

    ردحذف
  3. ياااااااه احلى ايام فى الدنيا
    على الاقل ايام الروقان :)

    ردحذف
  4. "شخابيط"
    النور زاد فى المدونة بتواجدك ...
    فعلا هى احلى ايام فى الدنيا ..
    بس على راى " الست " قول للزمان ارجع يا زمان :)

    ردحذف

إرسال تعليق

المشاركات الشائعة من هذه المدونة

[1] اسئلة مقابلات العمل لوظائف الموارد البشرية وشئون العاملين Interview Questions for HR and Personnel job

اكواد المهن في التأمينات الاجتماعية

[2] اسئلة مقابلات العمل لوظائف الموارد البشرية وشئون العاملين Interview Questions for HR and Personnel job