"لا تلومني على كلامي الذي لم انهيه ولا كتابتي التي لم تنهيها"

اختفاء او اختطاف زوجة كاهن


جانب من احتجاجات الأقباط بالكاتدرائية اليوم
يا جمال قول للريس خطف بناتنا مش كويس


زوجة مش موجوده فى البيت ...!
صحيح الموضوع شكلة مش حلو يعنى ايه واحد يروح بيته ميلقيش مراته ؟
بس الموضوع كان ممكن يعدى لو مكنتش الزوجة دى مسيحية اولا  و زوجة كاهن ثانيا .
فى الايام الاخيره تابعنا كلنا موضوع ما سمى اختطاف زوجة كاهن (راعى كنيسة مارمرقس بدير مواس) , وبعدها شوية من العقلاء خففوا الكلمة الى اختفاء .
طيب انا مش فاهم واحد روح البيت ملقاش مراته ؟ يروح يدور عليها ولا يطلع هو والكنيسة وشبابها فى وقفه احتجاجية . وبعدين يروحوا الكاتدرائية ويهددوا باعتصام مفتوح ؟
طيب نمسك كده كلمة اختفاء 
ممكن تكون مشيت بمزاجها ( مخنوقة يا جدع )
وممكن تكون خرجت فى مشوار ولا قدر الله حصلت حادثة ( قضاء وقدر ) 
وممكن  اتخطفت زى ما بيقولوا ( جايز ليه لا )
طيب فى كل الحالات اللى بنتخيلها دى 
لو مخنوقة وشافت المظاهرة دى هترجع ؟
طيب لو حصلت حادثة هترجع ؟
طيب لو اتخطفت , اللى خطفوها هيشوفوا المظاهرة فهيكشوا ويرجعوها ؟
من الواضح ان المسيحين  شافوا ان المظاهرات بتجيب نتيجة بعد موضوع الزواج الثانى وخصوصا ان النظام مش عايز لبش اليومين بتوع الانتخابات دول
طيب السؤال بقى زوج الست دى بيقولك انا برجح اختطافها 
على اى اساسا ايها الرجل المحترم ؟
لا  لو عندك دليل واحد قوله , يا اخى طيب ما تجربوا تدوروا عليها بدل ما انتم واقفين حاطين ايديكم على خدكم
انا شايف ان مظاهرتكم دى مش فى محالها حتى لو كانت اتخطفت فبماذا تفيد المظاهره ؟
اخيرا وليس اخرا  لحد ما نشوف الموضوع هيرسى على ايه 
نقلا من المصرى اليوم "وكلفت النيابة العامة، بالتحرى عن الواقعة وإصدار نشرة تغيب وتوزيعها على مديريات الأمن ومراكز الشرطة بالمحافظات، بينما كشفت التحريات الأولية حصول الزوجة على إجازة مسبقة للتغيب من عملها."
http://christian-dogma.com/site/images/products/794031.jpgطيب انا بقى دماغى صغنانه ممكن اسال سؤال للناس اللى دماغه كبيرة وخصوصوا البابا اللى بيتابع المموضوع بنفسه من امريكا
هى كانت عارفه انها هتخطف عشان كده اخدت اجازه احتياطى ؟ 
حد يرد يا خونا ؟
خدت اجازه ليه 
والى القاء فى حلقة جديدة من برنامجكم دولة داخل الدولة واخبطوا دماغكم فى اتخنها حيطه