"لا تلومني على كلامي الذي لم انهيه ولا كتابتي التي لم تنهيها"

ناكل درة ونضربوا بانجو

من فضلك انا مخنوق لذلك ابعد عنى جميع المؤثرات العصبية والنفسية والجرايد اياها وجلسات سيد قرارة وتعالى انا وسعتك نطلع على الكورنيش بس لو شفت النيل ترعة لا تقول انى فقر ولا ان حضرتك ولا مؤخذة نحس بس ادعى للى سابوا المحبس فى ايد اسرائيل تلعب فيه على كيف كيفها بالصحة والستر وطولة العمر ... اه طولة العمر ولا عندك راى تانى ؟
وبعدين نركب الاتوبيس الاحمر ابو جنية حار ونار فى جتتى وبردا وسلاما على جيبوهم وسوق بينا يا اسطى على الكورنيش ناكل درة ونضربوا بانجو ,ولما يدخل المخبرين حضرتك تبلع اللفافة وانا يجيلى اختناق واللى وشة يتشلفط و يموت التانى يصلى علية صلاه الغائب ويستلم الجثة وبيان الوزارة , يدفن البيان ويحط الجثة جنب الحيط ويصدق اللى يتقال ويعمل نفسة مقتنع
وانا بفكر البس قميص النقابة وانت تلبس تيشرت النادى ونعمل خناقة وانا اترافع عنك وحضرتك تحكملى ولو معجبناش نجيب حكم اجنبى ينشرلنا غسيلنا التييييييت , ويصفر بعد الدقيقة تسعين ويعلن فوز التيشرت والقميص وخسارة الشعب المسكين خمسة , صفر
وفى الختام احب اؤكد اننا لازلنا متمسكين بالعهد بان نصدر الغاز لاسرائيل و ان نمتنع عن تشجيع الجزائر فى المونديال , وقبل نهاية دورة سيد قرارة احب اسمع الست وهى بتشتدو : متصبرنيش بوعود وكلام معسول وعهود  , وخصوص الحتة بتاعت انا فاض بيا ومليت بس من على وش القفص وحياتك
wwadع mrع